Panaghoy ng Unan
" LOVE is strong yet delicate. It can be broken. To truly love is to understand this. To be in love is to respect this." ~Stephen Packer~
Sa gabing mapanglaw ako ang yung kaulayaw
Sa mga pagsubok ng buhay ako ang yung karamay
Lahat ng lihim mo’y sa kin pinaaalam
Walang tinatago maging anupaman.
Yakap ng pagmamahal ang dati’y nararanasan
Bakit ngayo’y lungkot bumabalot sa kadiliman
Katahimikan mo’y di ko na makayanan
Ano ang nasa isip, ano ang yung agam agam?
Mga ngiti sa labi at mga hagikhik
Aking naririnig sa yung mga labi
Madalas sa yung yakap me kasamang kilig
Kanyang pangalan lamang laging bukambibig.
Ngunit bakit iba na ang aking naririnig
Imbis na halakhak, malungkot na lamang na tinig
Gumagaralgal na at may impit na hikbi
Yakap mo ngayo’y puno ng hirap at sakit.
Unti unting dumadaloy luha sa iyong pisngi
Akin namang sinasalo ang bawat pagpatak nito
Wala akong magawa katiting man na pagtulong
Ang tanging kaya ko lamang,tuyuin ang luha sa mata mo.
Bawat sakit sa yung puso sa yakap mo’y nadarama
Bawat luha sa mata mo’y ayaw ko ng makita pa
Bawat hinagpis sa yung tinig sana’y wag ng marinig pa
Bawat gabi’y wag na sanang iiyak pa.
Kailan ko muling makikita ang ngiti sa yung labi?
Kailan ko maririnig halakhak mo sa halip na hikbi?
Kailan ko muling mararanasan yakap na may kilig?
Kailan oh kailan gabi’y magiging tiwasay at tahimik?
{Kalokah / Sunshine (’,)}
