Buong Puso
Panginoon nais kong humimlay sa Iyung mga bisig
Aking maramdaman ang init ng Iyung pag-ibig
Ako’y iyung ihele sa lambing ng Iyung tinig
Upang aking maranasan buhay na kaibig-ibig.
Pagod na puso ko’y Iyung kalingain
Pag-ibig ko sa Iyo’y laging pag apuyin
Mga agam-agam sa isip ko’y palayain
Upang Ikaw oh Diyos ay laging pupurihin.
Patuloy Mo akong bigyan ng kalakasan
Nais ng puso ko’y maging tapat ng tuluyan
Ikaw ay makapiling at mapaglingkuran
Noon, ngayon, bukas at magpakailanman.
